Actualités

Partagé sur :
• facebook

Izay vao tena fefika ny kaompaniam-pitaterana Air Madagascar. Hanao fitokonana faobe ny mpiasa manomboka ny alatsinainy ho avy izao. Leo ny fanamparam-pahefana sy ny gaboraraka ataon’ny mpitondra ny mpiasa ka mitaky ny fialan’Atoa Andriatiana Jacques Ulrich, minisitry ny fitaterana, ny filohan’ny filankevi-pitantanana Atoa Henry Rabary Njaka, ny Tale jeneralin’ny Air

Madagascar Raelison ary ny tale jeneralin’ny ACM Andrianalisoa James. Ny fomba nitantanan’ireo olona ireo ny orinasa no nahapotika azy toy izao.

Fatiantoka 150 miliara Ar

Mifangaro amin’ny resaka politika ny asa ka tsy  voajery intsony ny tombontsoan’ny orinasa », hoy i Rado Rabarilala, mpitondra tenin’ny mpiasa. Ankehitriny dia  efa   mahatratra 150 miliara ariary ny fatiantoky ny Air Madagascar. Araka ny  fanazavana  voaray dia orinasa tokony handeha tsara ny Air Madagascar  satria ny tsena dia  misy raha tsy hiresaka afa tsy ny manodidina toa an’i Afrika atsimo, Kenya ary  Maorisy. Fa ny familiviliana ny lalan’ny fiaramanidina tsy ho amin’ny  tombontsoan’ny orinasa sy ny tsy  fahalavorarian’ny tolotra no mahapotika ny  orinasa, hoy hatrany ny tarainan’ny mpiasa. Omaly maraina dia efa nanomboka ny  fitokonana ka mbola hitohy  anio sy rahampitso  ary ny alahady. Mandritra ireo telo andro ireo dia ny tapak’andro  hariva sisa no hisy fiaramanidina hiasa ary ny alatsinainy kosa dia ho foana tanteraka. Fantatra ihany koa fa miara-mientana amin’ny mpiasan’ny Air Madagascar amin’izao fitokonana ataony izao ny orinasa  Adema.

Andry  Ratovo  

Tia Tanindrazana

Samia mijoro ho an'i Gasikara.