Actualités

Afomanga teny Ampitatafika Nahavory olona an’arivony

Actualités
Talata 27 Jona 2017

Toy ny kaominina hafa manodidina ny renivohitra rehetra dia niavaka sy nanana ny maha izy azy ihany koa ny fankalazana ny fetim-pirenena 26 jona ho an’ny kaominina Ampitatafika.

Teny amin’ny tanimenabe no nanatanterahana ny lanonana rehetra mifandraika natrehin’ny talen’ny kabinetran’ny primatiora sy Ramatoa solombavambahoaka voafidy tamin’ny anaran’ny antoko Tiako I Madagasikara eny Atsimondrano. Fotoam-pivavahana iraisam-pinoana no nanokafana ny lanonana niantsoana ireo antoko mpihira avy amin’ny fiangonana tsy an-kanavaka ao anatin’ny kaominina Ampitatafika. Tsy latsa-danja tamin’izany ny fampisehoana niarahana tamin’i Francis Turbo sy ireo mpanakanto maro tsy nampoizina. Nofaranana tamin’ny fandefasana afo manga ny lanonana izay nahavory olona an’arivony teny Atsimondrano teny. Nahazoan’ny kaominina alalana ara-dalàna avy amin’ny tompon’andraikitra moa raha tsiahivina ny fandefasana ity afomanga ity. Tamin’ny 7 ora sy sasany hariva no voatery nofaranana ny lanonana ho fiarovana ny ain’ny vahoaka sy ny fananany, indrindra fa ireo nody tany amin’ny fokontany lavitra. Nitarika ny lanonana ny Ben’ny tanàna Rado Ramparaoelina.

Pati