Actualités

AfoA Nampitovy tadin-dokanga hisitrahana ny APE

Actualités
Alarobia 11 Martsa 2015

Anisan�ireo firenena efatra nisantatra ny fampiharana ny �Accord de Partenariat Economique Int�rimaire� voasonia tamin�ny volana aogositra 2009 miaraka amin�ny Vondrona eoropeanina i Madagasikara. Voafetra ihany moa ny voarakitr�io fifanaraham-piaraha-miombon�antoka ara-toekarena vonjimaika io dia ny fisokafan�ny tsena eoropeanina, ny jono ary ny fiaraha-miasa ekonomika sy ny lafiny fampandrosoana.

Tanjona lavitr’ezaka ho an’ny fikambanan’ireo firenena atsinanana sy atsimon’i Afrika anefa ny hisitraka manontolo ireo tombontsoa goavana mivelatra amin’ny seha-pifanakalozana samihafa haroson’ny Vondrona eoropeanina ao anatin’io fifanaraham-piaraha-miombon’antoka ara-ekonomika io. Dingana ahatongavana amin’izany ny fihaonana ara-teknika nijerena marimaritra iraisana ho an’ireo firenena afrikanina mpikambana ao amin’ny AfoA teto Antananarivo ny 9 sy 10 martsa 2015 teo. Teboka maro toy mahakasika ny haba fanondranana, ireo votoatin’ny fifanakalozana ara-barotra na koa ny tetiandro no tsy maintsy niadian-kevitra sy nifandresen-dahatra mialoha ny handrafetana ny fifanarahana eo amin’ireo vondrona roa tonta. Miara-miaiky rahateo ireo mpandray anjara ny maha zava-dehibe ny fampivondronan-kery izay antoky ny fampandrosoana.

Nangonin-dRamano F.