Actualités

AFFAMI 5 taona niasana ho an�ny sosialim-bahoaka

Actualités
Alatsinainy 07 Desambra 2015

5 taona niasana ho an�ny sosialim-bahoaka sahady ankehitriny ny �Andry Fanabeazana sy Fanarenana Mirindra� izay manana ny foibeny ao Ambohimanarina.

Efa ahitana ity fikambanana tsy miankina ity avokoa ny faritra eto Analamanga amin’izao fotoana izao raha efa miparitaka manerana ny faritra 22 kosa ny asa fitsinjovana ny fiainan’ny mponina ifotorany. Misongadina amin’izany ny sehatry ny fanabeazana, ny fahasalamana, ny fiarovana ny tontolo iainana ary ny tantsoroka arak’asa ho an’ny tanora. Nanokana 100 andro ho an’ireo zaza tsy ampy lanja 12 volana hatramin’ny 5 taona ny AFFAMI hanamarihana ny tsingerintaona nijoroany. Hifarana amin’ny tapaky ny volana desambra moa ity hetsika ity ka manodidina ny 70%-n’ny tanjona no efa tontosa amin’izao fotoana izao, hoy ny filohan’ny filankevi-pitantanan’ny fikambanana ny solombavambahoakan’i Madagasikara Raherisoa Vololona Victorine.

Ramano F.