Actualités

Partagé sur :
• facebook

Mitombo hatrany ny anaran’ireo olona voasaringotra amin’ity afera na andramena eto Madagasikara ity. Hatramin’izao anefa dia tsy hita manangasanga ilay tribonaly manokana nampanantenain’ny praiminisitra fa hatsangana hiadiana amin’ny afera na andramena sy ny harena hafa

Bolabola 2 450 isa

 Minisitra vehivavy mpikambana ao amin’ny  governemanta malagasy no tsikerain’ireo mpandray anjara amin’ny fivorian’ny cop 21 any Bourget any Frantsa ho mpanao afera na bolabolana  andramena miisa 2 450 ao anatin’ny tambajotran-tserasera. Ny nahatafiditra ny fianakaviana akaiky ity minisitra ity ho tao anatin’ny delegasiona malagasy hiatrika ny fivorian’ny  cop 21 no niatombohan’ny  fitsikerana. Tsy mahay sy tsy mahazo teny frantsay akory mantsy  ity fianakaviana  minisitra ity  ka tsy misy n’inon’inona ho azony akory amin’izay  fivoriana atao. Teo no  nahalasa eritreritra ireo teratany vahiny mahalala tsara ny zava-misy aty Madagasikara ka nahatonga ny  eritreritr’izy ireo nitsiry hoe  tonga any Parisy mba hitady mpividy andramena ve ity ranamana ity fa fomba nitondrana azy tany fotsiny no nampidirana azy tao anatin’ny delegasionan’ny  cop 21 ?

Amin’izao fotoana  mampandeha be ny resaka fanovana ny mpikambana ao amin’ny governemanta izao dia sesilany ny fanakianana sy ny fitsikerana ireo minisitra am-perinasa. Raha nangingina volana  maromaro izay ilay resaka fandraisana minisitra iray  kolikoly  tany andafy tany dia miverina ao anaty tambajotran-tserasera indray  ilay  horonantsary manalabaraka  ilay minisitra malagasy. Ny tenany rahateo  nandray fanapahan-kevitra tsy dia nankasitrahan’ny  maro teo amin’ny sehatra iray  hafa  izay nahafantarana azy ka vao mainka  koa  nampirehitra ny fahatezeran’ny mpankahala azy. Dia ho hita eo indray ny ho tohin’ny raharaha satria efa misimisy ihany izay olona ambony voatonona anarana amin’ny resaka boaderôzy izay.

Andry Ratovo

Tia Tanindrazana

Samia mijoro ho an'i Gasikara.