Actualités

Ady tanin�ny FISEMARE Mbola tantara mitohy

Actualités
Alakamisy 13 Aogositra 2015

Matoky ny fandreseny amin�ny didim-pitsarana hivoaka amin�ny 26 aogositra 2015 izao ny firaisankinan�ireo mpiasa mpikambana ao amin�ny Fisemare,

araka ny tatitra fohy nataon’ireo solontena niatrika ny raharaha niaraka tamin’ireo mpisolovava azy ireo. Tena nafonja mantsy ny antontan-kevitra naroso teo anoloan’ny fitsarana teny Anosy omaly niaraka tamin’ireo porofo matevina ara-dalàna nananganana ny tranon’ny Fisemare eny Ankadifotsy. Torak’izany ihany koa ny fahazoan-dalana manome alalana ny fipetrahan’ity fotodrafitrasa iorenan’ny foiben’ny sendika eny an-toerana ity. Nanamarina rahateo ny teo anivon’ny Kaominina Antananarivo Renivohitra fa mbola amin’ny anarany hatreto io faritra io, araka ny fandraisam-pitenenana nataon’ny solontenany. Nangataka ny fanafoanana tsotra izao ny fampiharana ny didim-pitsarana moa ny mpiaro ny Fisemare maître Razafinjatovo Willy.

Ramano F.