Actualités

Ady fa tsy andrankandrana

Actualités
Alakamisy 27 Aogositra 2015

Mampihoron-koditra ny zava-nitranga tany Ankazoabo atsimo satria dia nataon�ny dahalo vono moka ny miaramila, tsy vao izao no nisy zavatra tahaka izany fa efa hatramin�ny tetezamita nampalaza an-dRemenabila sy ny malaso ekipany

. Ny tena mahagaga amin’ny zavatra tahaka izao dia ny hoe :fa tsy mba nisy ve ny fitsirihana na fakana vaovao mialoha nataon’ny mpitandro filaminana sy ny tafika hoe tahaka ny ahoana ny zava-misy ? Mety firy eo ho eo ny dahalo any amin’iny faritra iny ? Firy ny miaramila tokony halefa any hanara-dia na hampandry tany ary tahaka ny ahoana koa ny fitaovana mila entina ? Nahoana no nalefa fotsiny tahaka ireny ampidirina ao an-davaky ny liona ireny ireo miaramila ? Tsy efa fantatra hatry ny ela ve fa an-jatony ireo dahalo ireo rehefa miaraka ary tena manana fitaovam-piadiana raitra sy moderna ry zareo ? Inona no manakana ireo manamboninahitra jeneraly efa ho 300 eto amintsika mandrafitra paikady mazava sy mahomby hiadiana amin’ny asan-dahalo ? Sa tena sarotra be ve ilay izy ? Sa misy antony tsy hanaovana azy mihitsy ? Mampalahelo raha andrakandrana sy kitsapatsapa no hahafatesana olona tahaka izao . Efa fantatra fa tsy misomonga ilay fahavalo dia mila mivonona tsara e !

RTT