Actualités

Ady amin’ny fiovaovan’ny toetr’andro Mpianatry ny lisea telo mirahalahy no notolorana loka

Actualités
Alarobia 28 Jona 2017

Rakotonirina Nomenjanahary Zo, mpianatry ny lisea ao Ifanadiana, Ramahalaza Brian mpianatry ny lisea Rabemananjara Toamasina ary Razafimandimby Lionot mpianatry ny lisea Antaninarenina Toliara I

no nibata ny amboara tamin’ilay fifaninanana nokarakarain’ny minisiteran’ny fanabeazam-pirenena sy ny Vivo Energy mikasika ny ady atao amin’ny fiovaovan’ny toetr’andro izay nanaovan’ny roa tonta sonia fifanekem-piaraha-miasa ny volana aprily lasa teo. Nanomboka ny volana mey lasa teo no nanatanterahana ity fifaninanana nasionaly andiany faharoa ity ary tamin’ny alakamisy kosa no nampahafantarana ny vokatra tamim-pomba ofisialy. Tanjona tamin’ny hetsika ny hahafahana manomana taranaka vanona sy vonona hiady amin’ny fahasimban’ny tontolo iainana ho tombontsoan’ny rehetra. Lisea miisa 372 raha tsiahivina no nandray anjara manerana ireo faritra enina dia Vatovavy Fitovinany, DIANA, Boeny, Vakinankaratra, Atsimo Andrefana, Atsinanana. Teo koa ny distrika saro-dalana toa an’i Kandreho, Soalala ary Ambatomainty. Tetikasa miisa 2.062 no voaangona avy amin’ireo mpianatry ny lisea 200.000 isa. Hita tao anatin’ireo vondron’ny mpitsara ny olon’ny Vivo Energy, ny fiarahamonim-pirenena, ny solontenan’ny ONG WWF ary manampahaizana manokana miady amin’ny fiovaovan’ny toetr’andro. Nisy ny loka goavambe natolotry ny Vivo Energy ho azy ireo toy ny fahitalavitra miloko, ny solosaina entin-tanana, ny finday…

Pati