Actualités

43 miliara ariary nivoaka tao amin’ny minisiteran’ny atitany Tsy marina, hoy ireo teknisianina

Actualités
Alarobia 25 Aprily 2018

Anisan’ny resabe nitana ny sain’ny maro hatramin’ny fiandohan’ny herinandro teo ny fisian’ilay volabe mitentina 43 miliara Ar nivoaka an-tsokosoko teo anivon’ny minisiteran’ny Atitany mba hanampiana ireo ben’ny tanàna manerana ny Nosy.

Nitondra fanazavana mahakasika izany ireo teknisianina telo mirahalahy eo anivon’ity minisitera iray ity omaly ka nambarany fa tsaho niniana naely sy hanakorontanana saim-bahoaka fotsiny ireny. Misokatra malalaka ho an’ireo izay mitady fanazavana, hoy Rakotojoelimaria Zo, anisan’ireo teknisianina nitondra fanazavana omaly ny varavaran’ny minisiteran’ny Atitany. Ny minisitera tsy mitazom-bola fa sora-bola fotsiny no azo resahina ao. Any amin’ny tahirim-bolam-panjakana avokoa ny vola rehetra no mipetraka izay mbola misy rafitra marobe arahina ihany koa vao azo havoaka fa tsy azoazo fahatany amin’izao. Nomarihiny manokana fa amin’ny maha mpiasam-panjakana azy ireo no antony hijoroany. Miantso ny ben’ny tanàna rehetra mba tsy handairan’ny tsaho Rakotojoelimaria, araka izany.

Pati