Actualités

14 jolay Tsy hamaly ny fanasana ireo Parlemantera legalista

Actualités
Talata 13 Jolay 2010

Rahampitso 14 jolay no hanamarihana ny fetim-pirenena frantsay. Toy ny isan-taona, dia hisy lanonana manokana ho amin’izany hatao eny amin’ny masoivoho frantsay eny Ivandry ka hanasan’ity farany ireo hery velona rehetra eto amin’ny firenena. Anisan’ireo nahazo fanasana ho amin’io lanonana io ireo solombavambahoaka avy amin’ny ankolafy telo. Araka ny fantatra àry, dia tsy hanatrika ny lanonana ireo depiote sy loholona. “Herintaona sy tapany no nampijalian’ny Frantsay an’i Madagasikara sy ny Malagasy. Noho izany dia tsy hisy Parlemantera na iray aza ho eny Ivandry”, hoy ny solombavambahoaka lany tany Arivonimamo, Rodin Rakotomanjato. Fantatra moa fa ho an’ny lanonana any Parisy dia nasaina handray anjara amin’ny matso ny solontenan’ny tafika Malagasy, tsy tao anatin’ny lisitr’ireo filoham-panjakana nasaina kosa anefa ny filohan’ny FAT, Andry Rajoelina.