Toekarena

Women in business Nifampizara traikefa ireo vehivavy mpandraharaha

Toekarena
Alarobia 02 Mey 2018

Tontosa omaly tetsy amin’ny Ibis Akorondrano ny tontolo andron’ireo mpandraharaha vehivavy izay nosalorana ny anarana hoe WIB na Women in business.

Ry zareo eo anivon’ny vondron’ireo mpandraharaha vehivavy eto Madagasikara moa na ny GFEM no anisan’ny mpandray anjara mavitrika tamin’ity hetsika ity. Araka ny nambaran’ny filohan’ny fikambanana, Fanja Razakaboana, dia miisa 220 hatreto ireo vehivavy mpandraharaha mikambana ao amin’ny GFEM. Mbola mampirisika izay fandraisan’anjara mavitriky ny vehivavy eo amin’ny tontolon’ny fandraharahana izay moa izy satria, raha ny fanazavany, dia anisan’ny fototry ny fandrosoana izany. Maneran-tany, hoy ny tenany dia nahitana fitomboana 10% ny tahan’ireo vehivavy mandraharaha ary nahitana fihenany 5% ny elanelam-pandraharahana eo amin’ny lahy sy ny vavy. Mbola olana eto amintsika kosa anefa, raha ny fanazavan’ny minisitry ny indostria, Tazafy Armand, ny lafiny famatsiana amin’ny famokarana orinasa ka antenaina fa mba hivoahana vahaolana hanabe voho izany kokoa iny fifampizarana traikefa omaly iny.

J. Mirija