Toekarena

Vondrona STAR Miara-miasa amina tantsaha Malagasy miisa 20.000

Toekarena
Sabotsy 16 Septambra 2017

Vondrona iray anisan’ny manampy sy manohana ireo tantsaha Malagasy eto amintsika ny vondrona Star.

Hatreto, mahatratra 20.000 ireo tantsaha miara-miasa aminy manerana ny Nosy, hoy Razafindrakoto Karine, tompon’andraikitra iray eo anivon’ny orinasa. Ny orinasan’izy ireo Malto no tena mahazo tombony satria ny 50 %-n’ny akora fototra ampiasainy amin’ny fanamboarana labiera dia avy eto an-toerana avokoa. Tsy latsa-danja ny orge izay azo ambolena aorian’ny fiakaran’ny vary, ny katsaka ary ny siramamy mena izay mbola avy amin’ireo tantsaha Malagasy ihany koa. Tsy maka ny vokatr’ireo tantsaha fotsiny anefa ny vondrona Star fa mamatsy masomboly sy zezika sady manome fiofanana ara-teknika nefa tsy miova ny mari-bola handraisany ny vokatra. Mandritra ilay foara iraisam-pirenena ho an’ny fambolena sy ny fiompiana tanterahina eny amin’ny Parc des expositions Forello Tanjombato no nampahafantaran’ny vondrona Star izany tamin’ny mpanao gazety, omaly.

Pati