Toekarena

Vondrona afrikanina Mampirisika ny fiaraha-miasa �fanjakana-tsy miankina�

Toekarena
Talata 21 Martsa 2017

Nanomboka omaly ao Maorisy ny AEP (African Economic Plateform) andiany voalohany eo amin�ireo mpitondra fanjakana, mpandraharaha, firaisamonina sivily ary mpanabe avy amin�ny oniversite eto Afrika.

Hovaliana ao anatin’ireo lohahevitra maro horesahana mandritra ny hateloana ny fampandrosoana ny maha olona, ny varotra anatin’i Afrika, ny fampiroboroboana orinasa sy ny fifanakalozana malalaka eo amin’ny olona sy entana, ny hoavin’ny kaontinanta afrikanina miaraka amin’ny fanomezan-danja ny fihariana ara-toekarena eto Afrika. Mandray anjara amin’ity fivoriana fampirisihana ny dinika eo amin’ny fanjakana sy ny sehatra tsy miankina tafiditra ao anatin’ny Vina afrikanina «Africa We Want» na ny Afrika tadiavintsika hatramin’ny taona 2063 karakarain’ny AUF (African Union Foundation), rafitra ao anatin’ny Vondrona afrikanina ity moa ny filohan’ny Repoblika Malagasy. Ny fifandraisan’ny fanjakana sy ny sehatra tsy miankina eto Madagasikara izay marisarisa ihany ankehitriny noho ny tsy fitovian-kevitra eo amin’ny ACD (Advanced Cargo Declaration).

Ramano F.