Toekarena

Vola vaovao Hanatsara ny toekarena, hoy ny filoham-pirenena

Toekarena
Talata 18 Jolay 2017

Nanararaotra niteny mikasika ilay vola 20.000 ariary tokana nivoaka nanomboka omaly ny filoham-pirenena Hery Rajaonarimampianina,

nandritry ny fandraisam-pitenenany tamin’ny fitokanana ny tetezan’I Kamoro omaly. Ahitana ny sarin’ity tetezana navaozina ity moa ilay vola. Aza manaiky ho fitahana, hoy ny tenany, fa hitondra fanatsarana amin’ny ady amin’ny hosoka ny vola vaovao ary hitondra fihatsarana eo amin’ny toekarena fa tsy hampiakatra vidim-piainana na ny kely aza. Dia ho hita eo tokoa moa izany raha hisy izay fiatsaran’ny toekarena izay fa indrindra hoe hanao ahoana ny ho fiatrainkany amin’ny fahefa-mividin’ny sarambabem-bahoaka izay efa mimenomenona sahady. Ho toy ilay resaka delestazy nohiraina ho voavaha anaty 6 volana tamin’ny taona 2013 ve sa ahoana?

J. Mirija