Toekarena

Vokatra eto Madagasikara Ny vahiny indray no mahazo tombony

Toekarena
Alatsinainy 07 Septambra 2020

Manankarena i Madagasikara na harena voajanahary na harena an-kibon` ny tany. Maro ihany koa ireo vokatra hafa toy ny ny jirofo,ny kafe, ny lavanila…

Anisan'ny toekarena ananan` i Madagasikara ireo zavatra ireo ary vidina mora any amin` ny tantsaha nefa tsy fantatra izay hanaovana azy ka hahondrana mora any ivelany. Tsy misy rahateo ireo fotodrafitrasa mba hahafahana mampiodina ireo vokatra ireo ka hampiakatra ny vidiny ary mba ho lasa vokatra voafantina ka hahondrana lafo an'ny ivelany. Ohatra ny “reserve de Zahamena” dia ny vahiny no mandidy azy nefa ao avokoa ny harena an-kibon`ny tany no mbola betsaka eto amin` ny nosy. Hita ao avokoa ny karazana biby sy ny hazo sarobidy tokony hanavotana antsika saingy diso miantehatra amin` ny vahiny manimba antsika. Noho izany dia mbola hanjakany vahiny hatrany ny firenena na dia efa mahaleotena aza. Tokony handroso lavitra i Madagasikara manoloana ireo karazan-javatra maro hita eo amintsika sy ireo harem-pirenena ireo saingy tsy afaka hivoatra raha mbola manjanaka amin` ny endrika ankolaka ireo teratany vahiny.

Marigny A.