Toekarena

� Vohitra Kanto Fihary� Nahasarik�olona tokoa

Toekarena
Alarobia 08 Martsa 2017

Efa iaraha-mahita ny haratsian�ny toetr�andro amin�ny faritra maro manerana ny nosy koa dia nandray fanapahan-kevitra ny minisiteran�ny mponina sy ny fitondram-panjakana fa dia hofoanana ny lanonana fankalazana ny andron�ny 8 martsa nokasaina hatao teny Mahamasina anio alarobia.

Tsy misy ny filaharambe sy ny karnavaly, tsy misy ihany koa ny fampisehoana iarahana amin’ireo artista, araka ny fandaharam-potoana efa napetraka. Mandalo fotoan-tsarotra ny firenena koa dia manaja ny fifandaminana ny minisiteran’ny mponina mpikarakara ary mankahery ireo namoy havana sy niharam-boina noho ny fandalovan’ny rivodoza Enawo. Nahemotra amin’ny fotoana manaraka ny lanonana hampahafantarana ireo mendrika tamin’ilay fifaninanana « Mizaka tena ara-toekarena ». Na teo aza ny andro efa nanjombona omaly teto Antananarivo dia tsy namela irery ireo mampiranty tao amin’ny « Vohitra Kanto Fihary » tetsy amin’ny lapan’ny kolontsaina sy ny fanatanjahantena Mahamasina ny minisiteran’ny mponina notarihan’i Onitiana Realy fa dia nitsidika ireo tranoheva izay tena nahaliana tokoa satria nampisongadina ny fahaizamanao sy ny traikefan’ny vehivavy Malagasy. Voasolotena tao ny faritra 22 ary nankafy ny fampirantiana ireo mpitsidika marobe tazana teny an-toerana. Voasarika manokana tamin’ny famelabelaran-kevitra momba ny fahaleovantenan’ny vehivavy amin’ny fihariana moa omaly ireo tanora.RTT