Toekarena

Varotra - ranomasimbe indianina Hivory ireo firenena miisa 6 ao amin’ny CCI

Toekarena
Talata 12 Mey 2020

Ho karakarain’ny avy eo anivon’ny Cap Business Ocean Indien rahampitso ny fivorian’ireo komitim-panatanteraka eo anivon’ny PRCC-OI na ny fandaharan’asa fanohanana ny fivoaran’ny fandraharahana ara-barotra aty amin’ny ranomasimbe indianina.

Hivory amin’ny alalan’ny visio-conference, araka izany, ny solontenan’ireo firenena miisa 6 mikambana eo anivon’ny tranoben’ny varotra sy ny indostria aty amin’ny ranomasimbe indianina na CCI. Ao elanatin’izany ny vondro-nosy Kaomoro, Madagasikara, Mayotte, Maorisy, Seychelles, La Réunion. Ho dinihina mandritr’izany ny fahafaha-manampy ireo mpandraharaha mpikambana ao anatin’ity tranobe ity aty amin’ny ranomasimbe indianina ho an’ny volana miisa 12 hoavy, raha ny fanazavana. Ny AFD na ny sampan-draharaha frantsay misahana ny fampandrosoana moa no mamatsy ity tetikasa ity.

J. Mirija