Toekarena

Varotra Lavanila any Nosy be Nivoaka ireo fepetra

Toekarena
Alakamisy 28 Mey 2020

Araka ny naoty navaokan` ny ministeran` ny varotra dia omaly no daty hanokafana tsena Lavanila any Anjiabe Kaominina Nosy-Be.

Tonga tany an-toerana ireo manampahefana sy sampandraharaha voakasika izany sehatra ny varotra, ary ny mpitandro filaminana. Nanokatra izany tamin'ny fomba ofisialy i Mananjara Lucien, prefe any Nosy-Be. Nanantitrantitra izy fa tsy azo atao ny mivarotra lavanila ivelan` ny tsena. Ity farany moa dia manomboka amin'ny 7 ora maraina no misokatra ka hatramin` ny 5 ora hariva. Nanambara hatrany ny ben` ny tanàna ao amin`ny kaominina Nosy-Be, Vita Gilbert, fa tokony ho mailo hatrany na mpividy na mpandafo eo amin'ny resaka fandriham-pahalemana fa indrindra ny lamina izay efa napetraka eo koa ny resaka ristourne 3% isaka kilao ary ny fanomezana fazahoan-dalana manokana mba ahafahana mitondra vokatra hiala ao Nosy-Be. Marihana fa tsy maintsy manana karatra ny mpividy ary sarotiny amin'izay minia mandika lamina sy lalana mikasika ity la vanille ity hoy TANIGNA Romuald Florentin, talem-paritry ny varotra DIANA ary tsy misy mahazo miampiasa fandanjana hafa afa-tsy ilay voatokana ihany. Rehefa vita ny lanonana fanokafana dia nametraka vidiny ny mpamboly fa 30 000 ariary ary ny mpividy kosa nametraka vidiny fa 40 000 ariary.

Marigny A.