Toekarena

VAOVAO MAHAFINARITRA Miha mahazo aina ny Ariary

Toekarena
Talata 03 Novambra 2020

Mitontongana ny toekarena satria tsy miditra ny vola vahiny, mihena ny fanondranana entana any ivelany, tsy tonga ny mpizahatany mitondra vola vahiny izay nahitana fatiantoka 80% eo amin`ity sehatra ity, sns…

Vokatry ny krizy ateraky ny COVID 19 avokoa ny antony mahatonga ireo. Nanomboka ny volana mey dia tsy nitsahatra ny nihen-danja ny sandam-bola ariary mihoatra amin`ny vola vahiny. Nitohy izany hatramin`ny volana oktobra lasa teo. Ny talata 27 oktobra teo no nahitana fiakarana be indrindra satria nahatratra 4698,86 ariary ny 1 euro, araka ny tatitry ny Banky Foiben`I Madagasikara. Nahitana fiakarana kely kosa ny sandan’ny vola Malagasy ny 30 sy 31 oktobra ary 01 novambra teo raha 4545.29 Ariary ny 1 euro, ary 3897.25 ariary kosa ny 1 dolara amerikanina. Omaly dia nitohy hatrany izany fisondrotam-bidin’ny ariary izany satria 4541,71 ariary ny 1 euro. Raha atao tsotsotra ny fanazavana dia noho isika samy manjifa ny vokatra eto an-toerana no mahatonga izao ariary miha mahazo aina izao.

Marigny A.