Toekarena

Tsy fanjarian-tsakafo Ambony ny taha any ambanivohitra

Toekarena
Talata 03 Desambra 2019

Nanamafy ny Ofisim-pirenena misahana ny fanjarian-tsakafo ONN fa ady maro lafy no atao aminy iarahana amin’ireo sampana samihafa toy

ny fambolena sy fiompiana, ny mahakasika ny rano fisotro madio sy ny fahadiovana, ny fahasalamana ary ny serasera. Ho fanamarihana ny Androm-pirenena momba ny fanjarian-tsakafo amin’ity taona ity dia hapetraka ao amin’ny kaominina Tsinjoarivo Imanga, Faritra Bongolava ny tanànan’ny fanjarian-tsakafo araka ny nampahafantarina tao amin’ny ONN omaly. 60 km miala an’i Tsiroanomandidy no misy io tanàna io izay mbola ahitana taha ambony amin’ny resaka tsy fanjarian-tsakafo tahaka ny amin’ny faritra ambanivohitra maro. Tanjon’ny ONN ny hametraka fomba mahomby ahafahana manatsara ny fanjarian-tsakafo any ifotony. Efa naneho ny fahavononany rahateo ihany koa moa ireo mponina sy manam-pahefana ao amin’ny ity kaominina Tsinjoarivo Imanga ity.

Tsirinasolo