Toekarena

TSY FANDRIAM-PAHALEMANA:* Sakana ho an’ny fampandrosoana!

Toekarena
Alarobia 02 Septambra 2020

Na dia efa manao ny ezaka rehetra ireo tomponandraikitra samihafa hoentina mampandroso ireo faritra eto Madagasikara dia mbola olana hatrany ny tsy fisian`ny fandriampahalemana. Isan` ireny ny fafian-dahalo sy ny fanafiahana tokantrano izay

zary lasa mampiraviravy tanana ny mponina. Samy lasibatra avokoa na tanan-dehibe na ny tantsaha ambanivohitra. Ho an` ity farany moa dia anjakan` ny asan-dahalo izy ireo satria tsy ampy ny fiarovan azy ireo. Marihana fa 85%n` ny vahoaka Malagasy dia mpamboly sy mpiompy (tantsaha). Sehatra iray izay tokony hampiana sy hotohanana satria raha tsy mamokatra intsony ireo tantsaha dia tsy hisy hamatsy sakafo ny tanan-dehibe. Sa ve hanafatra foana isika? Tena laharampahamehana tokoa ny fandriampahalemana mba ahafahan'ny tsirairay manatanteraka ny asa aman-draharaha ataony. Rehefa milamina ny firenena iray dia mazoto miditra ihany koa ireo mpandraharaha vahiny, manatsara ny lafiny fizahan-tany ary mampihena ny fifindra-monina be loatra izay mahazo antsika amin` izao.

Marigny A.