Toekarena

TSENAM-BARO-PANJAKANA MANJAKA NY RISORISO

Toekarena
Alarobia 21 Febroary 2018

Tsy misy ny mangarahara amin’ny tsenam-baro-panjakana fa kitranoantrano no misy eto Madagasikara. Fomba mody atao fotsiny ny fampafahantarana ny tsena ho an’ny daholobe (appeld’offre) fa efa fantatry ny minisitera ny hahazo. Mandeha be ny afera, araka izany,

ary nahazatra ny fanabontsinana misy izay ifampizaran’ny maro avy eo. Ny minisitry ny asa vaventy aza moa dia nilaza fa ho hentitra sy hijery tsara amin’izay ny amin’ny fanaraha-maso atao amin’ireny fampahafantarana ireny. Inona no nataony hatramin’izay ? Tsy mahagaga raha petatoko sy tefy maika ny lalana atao etsy sy eroa satria efa kely sisa ny vola ampiadiana fa efa nandalo paosy maromaro. Misy aza moa mpandraharaha sasany tsy te hifaninana hahazo ny tsena intsony satria efa fantatra mialoha izay ho valiny. Vokany, kitoatoa daholo ny zavatra atao satria olona tsy manana traikefa sady tsy matihanina no ampanaovina ny asa. Tsy tafavoaka mihitsy ity firenena ity raha mbola ohatr’izao foana no ataon’ny tompon’andraikitra ary miteraka fahapotehan’ny toekarena hatrany izany.

Tsiry