Toekarena

Tsenabe ho an’ny fetin’ny reny Nisokatra omaly ny la grande braderie de Madagascar

Toekarena
Zoma 02 Jona 2023

Hankalaza ny fetin’ny Reny isika afaka rahampitso alahady 04 jona. Ankoatra ny fitondrana am-bavaka azy ireny…dia tsy latsa-danja amin’izany ny fanolorana fanomezana na mofomamy ho an’i Neny

antony hisian’ireo hetsika maro samihafa etsy sy eroa. Ho an’ny Madavision manokana dia nosokafana tamim-pomba ofisialy omaly tetsy amin’ny kianjan’i Barea Mahamasina ilay hetsika La grande braderie de Madagascar karakarain’izy ireo. Haharitra efatra andro izany ahitana ireo karazana kojakoja ilaina ao an-dakozia, ny sakafo, ny fitafiana, ny finday, ireo kojakojana ilaina amin’ny fiara….Raha araka ny fanazavan-dRamanantsoa Harilala, tompon’andraikitra voalohany eo anivon’ny Madavision dia hentitra dia hentitra izy ireo amin’ny fitandroana ny fandriampahalemana. Toraka izany koa ny fanajana ilay fihenam-bidy 15% mba hahafahan’ny mpanjifa tsirairay avy misitraka izany. Efa diso milatsaka be loatra mantsy ny fahefa-mividin’ny Malagasy raha araka ny fanazavany ka tsy maintsy mifampitsinjo.
Pati
Legende : Be olona tahaka izao sahady ny andro voalohany omaly