Toekarena

Tsena vaovao etsy Ambodifilao Miandry fitokanana ara-dal�na ireo mpivarotra

Toekarena
Alakamisy 20 Aprily 2017

Efa iray volana izay, raha ny fanazavan�ny delegen�ny tsena etsy Analakely no nitsanganan�ny tsena vaovao etsy Ambodifilao.

Hatramin’izao anefa dia mbola tsy manana anarana izany tsena izany, tsy fantatra ihany koa hoe tolotra avy amin’iza ary tsy mbola notokanana na dia efa misy mivarotra aza. Olana amin’izy ity, hoy ilay delege dia hatahotra hivarotra ao ireo mpivarotra amoron-dalana teo aloha noho ny tsy fahatokisany ny mombamomba io tsena io. Ireo mpivarotra tetsy Behoririka, Tsaralalana sy Ambohijatovo ary Analakely moa no sarihina ho ao amin’izy ity kanefa dia tsy ho atonona ao raha ny tomban’ity delege ity. An’arivony moa, raha ny fanazavany, no isan’ireo mpivarotra ireo ka ahiana mafy ny hibosesika ao. Mahafa-po kosa anefa na izany na tsy izany aza ny atin’ny toerana ary irian’izy ireo ny mba hitokanan’ny ben’ny tanàna izany amin’ny fomba ofisialy.

Mirija