Toekarena

Tsena-barom-panjakana Be ny teny midina ka mahatonga ny kolikoly

Toekarena
Alatsinainy 19 Oktobra 2020

Tsy vitsy ireo velon-taraina noho ny kolikoly momba ny tsena-barom-panjakana. Misy aza ny tsena tsy hanaovana tolotra mihitsy fa ifanarahana fotsiny amin` izao. Misy ireo mpandraharaha sasany nahazo tsena nefa tsy nahafeno fepetra takiana amin` ny bokin` andraikitra

. Ny tolotra sasany aza dia tsy ampy fanaraha-maso. Maro ireo mpandraharaha milaza fa misedra olana matetika noho izay kolikoly eo amin`ny tsenam-panjakana izay. Mbola sarotra anefa no hifehy izany. Ny SAMIFIN aza dia nanamafy nandritra ny tatitra nataony “isan`ireo mbola sarotra eto amintsika ny momba ny fanomezana tsenam-barom-panjakana izay hisian`ny teny midina matetika”. Anisan’ny famotsiam-bola mantsy ny fandefasana vola vahiny tsy ara-dalàna izay natao hialana amin’ny fanaraha-maso sy/na ny fitsirihana ataon’ny sampan-draharahan’ny hetra eo an-toerana. Raha tsiahivina dia miisa 430 ireo fanambarana famotsiam-bola mampiahiahy tonga teo amin` ny SAMIFIN, ka 267 dia avy amin` ny banky, araka ny tatitra nataon` ny SAMIFIN ny taona 2019.

Marigny A.