Toekarena

Trondro ao Tsiazompaniry Nihena hatrany amin’ny 50%

Toekarena
Alatsinainy 06 Novambra 2017

Ankehitriny dia 4 taonina isan-taona sisa ny trondro azo ao amin’ny reniranon’I Tsiazompaniry, faritr’Itasy, raha toa ka 11 taonina izany teo aloha.

Raha ny vaovao voaray avy eo anivon’ny minisiteran’ny jono sy ireo mpisehatra eo amin’izay lafiny izay ao an-toerana dia ny fisian’ireo mpanjono tsy ara-dalana mampiasa fitaovana tsy manara-penitra ka manimba ny tontolo iainana an-dranomasin’ireo trondro no mahatonga io fihenana io. Isan’ny fitaovana fampiasan’ireo mpanjono tsy ara-dalàna ireo ny lay misy odimoka, hoy hatrany ny fanazavana. Nilaza moa ireo vovonan’ny fikambanan’ny mpanjono fa efa nisy ny fanaraha-maso natao tao Itasy saingy mbola manohy ireo fomba ratsiny hatrany ireo manao izany. Miangavy izy ireo, noho izany, mba hampiharina amin’ireo izay tratra ny sazy enjana. Ny zoma teo moa dia nandraraka trondro Tilapia tao Tsiazompaniry ny minisitera mba hamonjena ny toe-draharaha.

J. Mirija