Toekarena

Tontolon’ny indostria Malagasy Maro no tsy mandeha amin’izay laoniny

Toekarena
Alakamisy 12 Jolay 2018

Fotoana elaela no tsy nahenoana ny fanehoan-kevitry ny minisitry ny indostria sy ny fampiroboroboana ny sehatra tsy miankina vaovao, Guy Rivo Randrianarisoa.

Ny antony, hoy ny tenany, tetsy amin’ny birao fiasany etsy Ambohidahy omaly dia mbola miasa aloha izao. Zavatra maro no hitako tsy mandeha mikasika ny tontolon’ny indostria eto Madagasikara hatramin’izay nandraisako ny toerana maha minisitra ahy izay, hoy izy. Ohatra amin’izany ny mikasika ny Sirama ao Nosy be sy Brickaville izay tena manahirana ny eny ifotony. Nifanarahana tamin’ny kaompania Vidjzar nandritry ny 4 taona ary nandaniana miliara maromaro saingy tsy mazava ny tena fiantraikany mivantana amin’ireo mponina. Toy izany koa ny fiaraha-miasa amin-dry zareo sinoa. Ny ao Ambilobe sy Namakia lasa akan-dry zareo vola fotsiny. Ny samy malagasy lasa mifampifila ary ny vahiny moa efa mamilafila antsika rahateo, hoy ity minisitra ity, ka ny himasoana izao dia izay hahafahana manome asa ny eny ifotony eny.

J. Mirija