Toekarena

Toekaren’i Madagasikara Tsy tafavoaka raha tsy miroborobo ny famokarana

Toekarena
Zoma 19 Jolay 2019

Hatreto aloha dia hita ho mpiantsena fotsiny ihany i Madagasikara fa tsy mpamokatra eo anivon’ireny tsena iraisam-pirenena ireny.

kely loatra ny tombombarotra amin’ny tsena Afrikanina SADC na COMESA nefa vola be no aloa amin’ireny amin’ny maha mpikambana antsika. Tsy afaka hiolonolona fotsiny anefa fa tsy maintsy miditra amin’ireny tsena malalaka hifanakalozana ireny i Madagasikara. Ohatra amin’izany ny efa nanekena ny fidirana ao amin’ny Toerana Malalaka Ifanakalozana ao Afrika Atsinanana (ZLEC) izay tokony ho tombony raha matanjaka ny famokarana sy ny fandraharahana eto amin’ny firenena. Tsy azo ifaninanana mihitsy i Madagasikara ary ho fatiantoka hatrany raha marefo amin’ny famokarana. Tombony hatrany ny fidirana mpikambana amin’ireny tsena iraisam-pirenena ireny saingy mila mafy amin’ny sehatra fampivoarana toekarena tahaka ny varotra sy ny fifanakalozana ary ny fanondranana ny firenena.

Tsirinasolo