Toekarena

Toekarena Tokony hirosoana ny drafim-panarenana

Toekarena
Zoma 28 Aogositra 2020

Soson-kevitra nomen` ny teo anivon` ny Antenimieram-pirenena ny tokony hirosoana sahady amin` ny drafim-panarenana ny toekarena izay efa nantsangana.

Efa afaka mampihatra avy hatrany izany ny fitondram-panjakana, hoy ity andrimpanjakana ity tamin` ny alalan` ny filohany, Chrisitne Razanamahasoa. “Ho amin` ny fanarenana ny toekarena dia heverina fa fotoana fa hampiarana ny drafitra efa voavola izao. Mba hirosoana amin` izay amin` ny fianteherana sy fitrandrahana ny haren` ny firenena . Tokony hampiana koa ireo tantsaha mpamokatra sy mpiompy fa tsy maintsy hitodika amin` izany ny seham-pihariana ny faharan` ny toekareana manomboka amin` izao. Fotoana izao hanomezana aina vao ny toekarem-pirenena sy ny seha-pihariana ary be ny fanantenana na teo aza ireny olana ara-pahasalamana.” Ankoatra izay dia nanamafy ny depiote fa tokony hiparitaka amin` ny faritra rehetra manerana ny nosy ireo hetsika sosialim-bahoaka toy ny Tosika Fameno, Vatsy Tsinjo, Sosialim-bahoaka fa tsy ajanona eto an-drenivohitra na renivohim-paritany ihany.

Marigny A.