Toekarena

Tetikasa PIAA Mitohy ny famatsiana fitaovam-piasana ho an'ireo mpisehatra

Toekarena
Zoma 19 Jona 2020

Fiara tsy mataho-dalana miisa 07 no natolotry ny firenena frantsay sy ny Vondrona Eropeanina ho fanohanana ny tetikasa PIAA omaly.

Andiany faharoa amin'ny fanolorana fitaovana izao natao izao. Ny Minisiteran’ny Fanajariana ny Tany sy ny Asa Vaventy (MATP) dia nahazo fiara iray (01) amin’ny maha « Maître d’ouvrage » azy. Ny Kaominina Ambonivohitra Antananarivo notolorana fiara telo (03) amin’ny maha mpitantanana ny tanànan’Antananarivo. Ny SAMVA nahazo fiara iray (01) ho fanaraha-maso ny asa fanadiovana ny tanàna. Ny APIPA nomena fiara roa (02) ho fanaraha-maso ireo asa fanadiovana ireo làlan-drano eto Antananarivo. Nanamarika ny Ministra Hajo Andrianainarivelo fa mbola hisy ny fanolorana fitaovana vaventy (engins) ho an'ity tetikasa PIAA ity.

Marigny A.