Toekarena

Tetibolan’ny CUA nasiam-panitsiana Nolanian’ny Filankevitra monisipaly

Toekarena
Alakamisy 22 Febroary 2018

Lany tao anatin’ny lahadinika tsy ara-potoana izay notontosain’ny Filankevitra Monisipalin’ny kaominina Antananarivo Renivohitra nandritra ny 3 andro nifarana omaly alarobia 21 febroary 2018 ny Tetibola nasiam-panitsiana.

Ny resaka “Droit de circuler” no tena nangatahan’ny prefektiora hoesorina ao anatin’ny ilay Tetibola. Teo ihany koa ny firesahana ny vola miditra eo amin’ny tsena Pavillon na Box vaovao, ary ny fidiram-bola aty amin’ny kaominina momba ny fampiasana ny OMAVET niampy ny fangatahana fanazavana ny isan’ny mpiasa marina eo anivon’ny kaominina Antananarivo Renivohitra. Nankatoavin’ny mpanolotsaina monisipalin’ny tanàna ihany koa ny fametrahana vina fananganana fotodrafitrasa, izay ho kasain’ny Boriboritany 6 amin’ny fanatsarana miaraka amin’ny FDL eo anivon’ny Boriborintany tsirairay. Araka izany dia hisy ny fanamafisana ny fiaraha-miasa misimisy kokoa eo amin’ny mpanolotsaina monisipaly sy ny mpanatanteraka mba hisian’ny mangarahara. Nanambara ny Filohan’ny Filankevitra Monisipaly Faustin Andriambahoaka, fa nilefitra ny Filankevitra amin’ny resaka “droit de circuler”, saingy tsy hanaiky kosa ho amin’ny manaraka satria mampidi-bola betsaka ho an’ny CUA izany. Mbola hiady sy tsy hanaiky amin’ny fanalana izany “droit de circuler” izany ny Mpanolotsaina Monisipaly satria ny vola azo amin’ireny, hoy izy, dia hoentina hanatsarana ny lalana eto Antananarivo Renivohitra.

Toky R