Toekarena

Teknolojia sy ny fizahantany eto Iarivo Hamoraina ny fitadiavana trano fandraisam-bahiny

Toekarena
Alakamisy 07 Aprily 2022

Hamboarina ny ”application” ahafahan’ny tsirairay mahafantatra sy manamora ny fitadiavana ireo toerana rehetra fandraisam-bahiny sy fisakafoana eto Antananarivo sy ny manodidina,

araka ny tetikasa mifandraika amin’ny ”digitalisation” ataon’ny kaominina. Nosoniavina omaly ny fifanaraham-piaraha-miasa teo amin’n Federasion’ny Trano fisakafoana sy Fandraisam-bahiny (FHOM) sy ny kaominina Antananarivo. Voakasik’izany avokoa ny sokajy rehetra manerana ny kaominina. Anisan’ny fiomanana sahady amin’ny fandraisana ny Lalaon’ny Nosy amin’ny 2023 ity hetsika ataon’ny fiadidiana ny kaominina Antananarivo renivohitra ity ary ifotoran’ny fiaraha-miasa eo amin’ny kaominina sy ny Federasion’ny Trano fisakafoana sy Fandraisam-bahiny (FHOM) eto Madagasikara, hoy ny fampahafantarana.
Toky R