Toekarena

Tambin-karaman’ny mpampianatra Nisy ny fanitsiana, hoy ny minisitry ny fanabeazam-pirenena

Toekarena
Zoma 28 Febroary 2020

Namoaka fanambarana fohy tetsy amin’ny minisiteran’ny fanabeazam-pirenena sy ny

fampiofanana teknika etsy Anosy omaly ny minisitra, Rijasoa Andriamanana Josoa, sy ny ekipany fa tsapan’ity minisitera ity ny fiandrasan’ireo mpampianatra sy mpandraharaha eo anivon’ity minisitera ity ny vaovao mikasika ny tambin-karama voafaritra ho azon’izy ireo ho tohin’ny fampiharana ny fifanarahana natao teny amin’ny lapam-panjakana Mahazoarivo ny jolay 2018. Tsy vao izao ny minisitera, hoy izy, no nikaroka ny fomba rehetra hampiharana io fifanarahana io ho tombontsoan’ny besinimaro. Nisy ny fanitsiana tsy maintsy nentina teo amin’ireo didim-panjakana efa nivoaka teo aloha mba hisian’ny fitoviana lenta eo amin’ny mpiasa rehetra. Eo am-pamaranana ny dingana rehetra tsy maintsy arahana ankehitriny ny minisitera sy ny governemanta ary manamafy izahay fa efa tsy mitsahatra mikaroka ny vahaolana hanafainganana izany, hoy hatrany ny tenany.

J. Mirija