Toekarena

Tahirim-bola iraisam-pirenena Anisan'ireo hahazo fanalefahana trosa i Madagasikara

Toekarena
Alarobia 15 Aprily 2020

Nanapa-kevitra ny filan-kevim-pitantanana avy eo anivon’ny tahirim-bola iraisam-pirenena na FMI ny 13 aprily teo fa hanalefaka avy hatrany ny trosana

firenena miisa 25 ka ny 19 amin’ireo dia firenena afrikanina avokoa. Toy ny mahazatra anefa dia miendrika fanampiana izany ary mifantoka kokoa amin’ny resaka ara-pahasalamana toy ny fanafody sy fitsaboana. Manalefaka trosa hatrany amin’ny 500 tapitrisa dolara izany ka tafiditra ao anatiny ny 185 tapitrisa avy amin’ny Royaume Uni sy ny 100 tapitrisa avy amin’ny Japoney. Bénin, Burkina Faso, Comores, Gambie, Guinée, Guinée-Bissau, Liberia, Madagasikara, Malawi, Mali, Mozambique, Niger, République centrafricaine, RDC, Rwanda, Sao Tomé-et-Principe, Sierra Leone, Tchad ary i Togo moa ireo firenena afrikanina. Afghanistan, Haïti, Nosy Solomonina, Népal, Tadjikistan ary i Yémen kosa ireo firenen-kafa tafiditra ao anatin’izay firenena nolazaina ho halefahan-trosa izay.

J. Mirija