Toekarena

SPAT Port Toamasina Navaozina ilay trano lehibe fitahirizana varimbazaha

Toekarena
Alarobia 15 Jolay 2020

Anisan'ny fotodrafitrasa iandraiketan’ny orinasam-panjakana mahaleotena mitantana ny seranan-tsambon’i Toamasina na SPAT Port Toamasina ny fanarenana ny trano lehibe (SILO) fitahirizana varimbazaha sy ny potika soja, ilaina amin’ny sakafom-biby.

Manodidina ny 25 000 taonina eo ho eo ireo vokatra heverina ho azo tehirizina ao amin'ity tranobe vao navaozina ity. Tranobe vita amin’ny simenitra milaro vatokely sy vy ary vy fotsy. Mandeha sy baikoina amin’ny informatika avokoa moa ny fitantanana sy fikirakirana ny fitaovana rehetra ao anatin'ity SILO lehibe ity. Ankoatra ny vina fanitarana ny seranan-tsambon’i Toamasina mba ho afaka mandray sambo vaventy, ity foto-drafitrasa ity dia mifanitsy tanteraka amin'ny politikan'ny fitondrana momba ny ady amin'ny tsy fahampiana sakafo.

Nangonin’i Jean D.