Toekarena

Serge Zafimahova “Vao mainka hampisy olana ny fampitrosana”

Toekarena
Zoma 28 Aogositra 2020

Ireo firenena any ivelany dia nanampy ny orinasa lehibe tao aminy. Mifanohitra amin'izay anefa no hita eto Madagasikara, raha ny fanehoan-kevitra nataon’Atoa Serge Zafimahova.

Ny fanjakana Malagasy hatreto dia tsy mbola nanampy ireo orinasa ireo izany mihitsy. Fampitrosana ireo mpiasa Malagasy indray no natao, hoy izy. Noho izany, ho maro amin'ireo olona ireo no tsy afaka hamerina io vola io. Vao manomboka izao ny resaka "impact " na fiantraikany ara-tsosialy sy ara-ekonomia. Mihena ihany koa ny fahefa-mividy na ny "pouvoir d'achat" satria tsy manana tahiry intsony ny fianakaviana. Na ireo nanana teo aloha aza lasa sahirana ihany koa noho ny fahalanian'ny tahiry tao anaty fihibohana. Mbola ho henjana izany ny toe-draharaha, ary ahiana ny fipoahana sosialy haterany, raha tsy mahay mandrindra sy mandamina, ary mametraka paikady mazava sy mahomby mifandraika amin’ny zava-misy ny Fanjakana ankehitriny.

Toky R