Toekarena

Sehatry ny fizahantany Mpiasa miisa 44 000 no tandindonin-doza

Toekarena
Alarobia 06 Mey 2020

Nihaino tsara ny kabaran’ny filoham-pirenena farany teo izahay, hoy ry zareo eo anivon’ny fivondronamben’ireo mpisehatra eo anivon’ny fizahantany eto Madagasikara.

Tsy nisy resaka mihitsy ny sehatra tsy miankina fa indrindra moa fa ny sehatry ny fizahantany. Maro amin’ireo orinasa mpisehatra amin’ity farany, raha ny fanazavana, no efa nampiato ny mpiasany noho ny lafiny ara-tekinika. Tandindomin-doza, noho izany, ny ho avin’ireo olona miisa 44000 miasa eo amin’ity sehatra ity eto Madagasikara. Nanolotra soso-kevitra, noho izany, ny filankevim-pitantanana ao anatin’ity fivondronambe ity ny amin’ny mba hanaovana ho laharam-pahamehana ny fiazonana ireo mpiasa ireo. Izay aloha no tokony ho tanjona iarahana vao mijery ny fanohanana ireo orinasa sy ny fampivelarana ity sehatra ity, hoy hatrany ny antson’izy ireo amin’ny fitondram-panjakana.

J. Mirija