Toekarena

Sehatry ny fizahantany Ahiana hitotongana

Toekarena
Alatsinainy 09 Oktobra 2017

Manahirana ho an’i Madagasikara amin’izao fotoana ny mahita mpizahatany hatrany amin’ny 300.000 isa isan-taona raha toa ka manodidina ny 1,3 tapitrisa isan-taona ireo tonga isan-taona ao Maorisy,

hoy ny avy eo anivon’ny CTM na ilay kaonfederasionin’ireo mpisehatra eo amin’ny tontolon’ny fizahantany eto amintsika. Antony nananganana ity kaonfederasionina ity rahateo ny faran’ny herinandro teo io toe-javatra io, raha ny fanazavana. Ny avy eo anivon’ny ofisim-paritra Analamanga na ny Ortana moa dia nilaza fa vao nanomboka nipariaka fotsiny ny aretina pesta dia nisy fihenany na tsy nahafahana nanome tarehimarika mazava aza ireo vahiny mpizahatany tonga manatona ity ofisy ity. Ny kaompania ana habakabaka Air Seychelles moa dia nampiato ny sidina mankaty Madagasikara ny faran’ny herinandro teo mandritry ny fotoana tsy voafetra. Ny teratany vahiny mizahatany ihany koa manomboka mitombo isa ireo nisafidy toerana hafa na dia saika ho avy eto Madagasikara aza vantany vao nahoraka fa misy pesta nahafaty olona maherin’ny 30 eto araka ny vaovao navoakan’ny haino aman-jery frantsay, herinandro lasa izay.

J. Mirija