Toekarena

Sandam-bola Tsy mitsaha-mitotongana ny vola Ariary

Toekarena
Talata 30 Janoary 2018

Hatramin’ny fiandohan’ity taona 2018 ity, izany hoe tato anatin’ny telo herinandro dia nitotongana 120 ny sandan’ny vola Malagasy Ariary mihoatra amin’ny EURO.

Raha 3 873,76 Ariary ny EURO iray tamin’ny fiandohan’ny taona dia efa nanafosafo ny 4.000 Ariary, (3 994,71 Ariary) omaly teny amin’ny tsena fifanakalozana. Raha atao ny salanisa, dia mitotongana 40 Ariary isan-kerinandro ny vola Malagasy. Raha ny voalazan’ny manampahaizana ara-toekarena dia fiantraikan’ny fanafana entana be loatra niatrehana ny tsena faran’ny taona lasa iny no anisan’ny niteraka an’io fitotongan’ny Ariary io, noho ny fivoahan’ny vola devizy be loatra nividianana entana, nefa isika zara raha manondrana nankany ivelany.

Jean D.