Toekarena

Salon RSE Hanampy ireo orinasa amin’ny fandrosoana

Toekarena
Alakamisy 06 Jolay 2017

Hotanterahina eto amintsika ny 12 sy ny 13 jolay ho avy izao indray ny andiany faharoa amin’ilay Salon RSE na andraikitra ara-piarahamonin’ny orinasa sy ny fanapahan-kevitra momba ny fampandrosoana maharitra, karakarain’ny UR-CSR Consulting.

Etsy amin’ny Carlton Anosy no hanatontosana ny hetsika ka manodidina ny 4.000 mahery ireo mpandray anjara andrasana raha 3.000 tamin’ny taon-dasa. Nambaran-dRamatoa Rabefitiavana Urchila, talen’ny kabinetra eo anivon’ny UR-CSR fa natao hanampiana ny orinasa isan-tsokajiny mba handroso ny hetsika hanatrarana ny tanjon’ny fampandrosoana maharitra. Tafiditra ao ny fijerena manokana ireo olana mianjady amin’ny orinasa, ny sakana tsy hahafahan’izy ireny manatanteraka ny andraikitra sahaniny, ny fitsinjovana sahady ireo tanora mpandraharaha amin’ny alalan’ny famelabelaran-kevitra goavam-be entina hanohanana ara-kevitra azy ireny. Anisan’ny mpanohana ofisialy ny hetsika ny UNICEF sy ny minisiteran’ny indostria. Afaka mitsidika maimaimpoana ny hetsika avokoa ny rehetra.

Pati