Toekarena

SALON DE L’HABITAT 2017 Atao ny 16 hatramin’ny 19 novambra

Toekarena
Zoma 10 Novambra 2017

Taorian’ny asa fanadiovana natao teny amin’ny Expo Forello Tanjombato noho ny pesta dia fantatra fa hotanterahina ny 16 ka hatramin’ny 19 novambra ho avy izao ihany ny Salon de l’habitat andiany faha-19 karakarain’ny agence de communication la premiere ligne.

Hampiavaka ity hetsika ity, hoy Ramiaramanana Dominique, ny fisian’ireo sary hosodoko isan-karazany faran’izay tsara sy mampiavaka antsika eto Madagasikara entina hanasongadinana ireo mpanao asa tanana Malagasy. Tafiditra ao anatin’ilay hetsika andiany fahatelo amin’ilay « Biennale des Arts de l’Océan Indien » izany, arahin’ny fampahafantarana ireo kojakoja fampiasa amin’ny fikarakarana ny tokantrano manomboka any amin’ny asa fanamboarana, ny loko, ka hatrany amin’ny zaridaina. Hahatratra 120 ireo mpandray anjara. Hampahafantarina mandritra io hetsika io ihany koa ny fisian’ilay Symposium International momba ny tantaram-pirenena sy ireo fomba amam-panao Malagasy kasaina hotanterahina eny amin’ny efitrano fandraisana fivoriana iraisam-pirena eny Ivato ny 28 ka hatramin’ny 30 novambra ho avy izao. Marihina moa fa anisan’ny nahazo medaly tamin’ny fampiasana simenitra amin’ny fanamboaran-trano isika eto Madagasikara.

Pati