Toekarena

Salon de l’entrepreunariat et de l’emploi Manolotra vahaolana ho an’ireo tanora tsy an’asa

Toekarena
Sabotsy 22 Jolay 2017

Mbola betsaka amin’ireo tanora Malagasy eto amintsika ankehitriny no tsy an’asa na koa manao asa tsy mifanaraka amin’ny fari-pahaizany. Anisan’ny antom-pisian’ny “Salon de l’entrepreunariat et de l’emploi”

andiany fahenina karakarain’ny Kentia Holding izany ho fanampiana azy ireny. Manodidina ny 100 mantsy ireo tolotr’asa hita etsy amin’ny lapan’ny tanàna mandritra ny roa andro, hetsika nosokafana nanomboka omaly. Tsy latsa-danja amin’izany ny fanampiana ireo orinasa mitady mpiara-miombon’antoka amin’ny alalan’ny rencontre B to B. Manodidina ny 50 isa ireo trano eva mandray anjara amin’izany izay ahitana ireo karazana ivontoeram-piofanana sy sekoly ambony ihany koa entina hanohanana ireo mpianatra mitady toro-lalana aorian’ny fahavitany ny fanadinana Bakalôrea. Manodidina ny 30.000 isa ireo mpitsidika andrasana amin’izany, tsy misy ny vidim-pidirana. Raha araka ny fanazavan-dRatovoson Onisoa, tompon’andraikitra eo anivon’ny Kentia Holding moa dia efa betsaka tamin’ireo mpandraharaha sy tanora Malagasy eto amintsika no nahazo tombontsoa tamin’izao salon nokarakarain’izy ireo izao.

Pati