Toekarena

Sainam-pirenena Mbola tena maina ny tsena

Toekarena
Talata 06 Jona 2017

Na dia efa tafiditra tanteraka ao anatin�ny volana jona aza isika ankehitriny dia mbola vitsy ireo tokantrano Malagasy manangan-tsaina. Amin�ny ankapobeny dia noho ny fahantrana efa mandifotra ny isam-baravarana no antony.

Eo ihany koa ny tsy fahafalian’ny mponina amin’ny mpitondra. Mbola maina tanteraka ny sainan’ny tsena, araka ny fanadihadiana natao teny Analakely. Ny mpanontany no betsaka, tsena izay tsy mihoatra ny faha-25-n’ny volana jona ihany koa toy ny tsenan’ny harendrina sy ny tsipoapoaka. Fianakaviana an-jatony anefa no mivelona amin’ity asa ity, indrindra fa ireo manenjika entana ilain’ny olona mifanaraka amin’ny vanim-potoana misy. Misy amin’izy ireo no maka maro any am-potony ary mivarotra mba hakany tombony kely. Misy mihitsy ireo manodim-bola mividy lamba dia manjaitra. 15.000 Ar no hamarotan’izy ireo ny lehibe indrindra ary 8.000 Ar ny antonony. 5.000 Ar kosa ny kely indrindra izay fantatra fa hany mba takatry ny volan’ny maro, raha tsy maintsy hividy izy ireny. Hetsika maro no hoentin’ny fitondram-panjakana hanamarihana ny fetin’ny 26 jona amin’ity taona 2017 ity.

Pati