Toekarena

« Sahamaitso » Manome lanja ny vokatra Malagasy

Toekarena
Zoma 30 Martsa 2018

Sambany no hisy tsenabe entina hanasongadinana ny asa tanana Malagasy sy vokatry ny tany ny 01 sy ny 02 aprily ho avy izao eny Ombalahivato Ambohimalaza ao anatin’ilay hetsika “Sahamaitso” andiany voalohany.

Tanjon’ny mpikarakara ny hanomezan-danja ny vokatra Malagasy arahin’ny hampivoirana ireo kolontsaina mampiavaka antsika Malagasy, toy ny hiragasy sy ny fitafy Malagasy… Nambaran-dRazafitsifa Vonjy, mpilalao sarimihetsika fa hiaka-tsehatra ny tenany amin’io fotoana io miaraka amin’ireo mpihira mivoy ny maha malagasy toy ny tarika Randria Ernest…Ho hita mandritra io hetsika io ihany koa ilay sarimihetsika “Saha Lonaka” andiany voalohany, izay andraisany anjara, entina hamalifaliana ny rehetra. Mpandray anjara an-jatony no hampiranty ny vokany mandritra izany, ahitana ireo mpanao lamba landy manana ny maha izy azy eto amintsika.

Pati