Toekarena

Ranomasimbe Indianina Hamporisihana hanjifa ny « Vita Malagasy»

Toekarena
Alatsinainy 08 Jona 2020

Nandritra ny fivorian` ny filankevitry ny ministra eo anivon` ny COI ny zoma lasa teo dia nanao ny tatitra momba ny ezaka nataon` i Madagasikara tamin` ny ady amin` ny “coronavirus” ny ministry ny raharaham-bahiny, Tehindrazanarivelo Djacoba A. S. Liva.

Namafisiny fa fanafody natoraly sady tsy misy akora toxika, ary mifanaraka amin` ny kolontsaina afrikanina ny tambavy CVO. Manoloana ny voka-dratsy eo amin` ny lafiny ara-tsosialy sy ara-toekarena naterak` ny Covid-19, nanambara ny minsitra fa fotoana izao hanatanterahina ny programam-paritra eo amin` ny fiarovana ara-tsakafo. Manoloana izany, namporisika ny fampiroboroboana sy fanjifana ny vokatra « Vita Malagasy » indrindra ny fambolena, ny fiompiana ary ny indostria « agro-alimentaires » ny lehiben` ny diplaomasia. « Manasa an` ireo firenena mikambana eo anivon` ny COI aho hanisy lanjan` ny vokatra Malagasy indrindra amin` izao vanim-potoana izao», hoy izy. Eo anivon` ny fifandraisana ara-paritra, mila mahay miatrika ny krizy ireo firenena mikambana eo anvon` ny COI izay niteraka akony ara-toekarena eo anivon` ireo « Petites et Moyennes Entreprises » sy ireo mpandraharaha amin` ny sehatry ny fizahan-tany sy ny fitaterana, hoy hatrany ny ministra Tehindrazanarivelo Djacoba.

Marigny A.