Toekarena

Pr Ralison Roger “Omeo sehatra ny famokarana sy fanodinana anatiny”

Toekarena
Zoma 19 Jona 2020

Misy fiantraikany amin’ny toekaren’ny firenena iray ny tsy fahampian’ny orinasa manodina ny vokatra eto an-toerana.

Tsy tokony ho variana amin’ny fananganana fotodrafitrasa, izay ao anatin’ny sehatr’asa fahatelo isika, fa mila manome vahana ny seha-pihariana laharana voalohany sy faharoa, raha ny hevitry ny Pr Ralison Roger mpahay toekarena sy fitantanana. Mila omena sehatra ny famokarana sakafo, ary ahodina eto an-toerana ny akora mba hampihena ny fiankinan-doha be loatra amin’ny any ivelany. Sady mamorona asa izany no mijanona eto ny lanja fanampiny na “valeurs ajoutés” satria ny firenen-dehibe sasany, ohatra, dia avy any Chine ny famokarana ny filàna, izay misy voka-dratsiny. Raha tsy any amin’ny sehatra voalohany sy faharoa, fa mbola hijanona amin’ny fotodrafitrasa dia tsy ho tafavoaka isika, fa mila miaraka ireo. Ny fanamboaran-dàlana no zava-dehibe mba hahafahana mamoaka ny vokatra, raha ho an’ny sehatra fahatelo. Mila hamafisina ny tosika ho an’ny Tantsaha Malagasy sy ny mpandraharaha, hoy ny Pr Ralison Roger.

Toky R