Toekarena

Politika fampivoarana ny vehivavy Tsy hita ao anatin`ny PGE

Toekarena
Alatsinainy 19 Aogositra 2019

Niavaka tokoa ny fanolorana ny programanasa ankapoben`ny fanjakana (PGE) nataon`ny praiminisitra Ntsay Christian ary nahabe fanantenana.

Mipetrapetraka ny tonon’andro sy ny tarehimarika ao anatin`ny PGE. Mahakasaika ny politika fampivoarana ny vehivavy kosa dia tsy hita mihitsy tao anatin ilay vina fampandrosoana. Ny PGE iray manontolo dia natokana ho an`ny Malagasy rehetra ary tsy tokony ho nahavahana nefa iaraha-mahalala fa tena tara ny fanomezana sehatra ho ny vehivavy amin`ny fandraisana andraikitra eto amin`ny tany sy ny fanjakana na any amin`ny sehatra fanapahan-kevitra na eo amin`ny lafiny famokarana. Misintona ny sain`ny fitondram-panjakana i Johasy Eleonore. Aiza ho aiza ny fametrahana ny tosika ho an` ny vehivavy mba ho olom-pirenena tompon’andraikitra tanteraka amin`ny fampandrosoana, hoy izy. Hita taratra aloha ny firosoan`ny fanjakana amin`ny fampandrosoana saingy misy ihany ny tokony ho famenony ary jerena akaiky amin`ny teboka maromaro, hoy hatrany ny fanazavana.

Marigny A.