Toekarena

Pavillon vaovao - Esplanade Analakely Ho vita amin’ny faran’ny volana novambra ny asa

Toekarena
Alarobia 18 Oktobra 2017

Ny 90 %-n’ny asa fanamboarana ireo pavillon vaovao etsy amin’ny esplanade Analakely amin’izao fotoana no efa vita tanteraka. Mandalotra sy mandoko ireo efitrano miisa 33 sisa no asa hiantsorohan’ireo tompon’andraikitra misahana izany, araka ny vaovao azo teo anivon’ny kaominina Antananarivo Renivohitra.

Ezahina hovitaina amin’ny faran’ny volana novambra ny asa ka ireo mpivarotra nifanaiky tamin’ny kaominina fa hanamboatra ny tsena no hahazo ny toerana ary aorian’ny fahavitan’ny vola lanin’izy ireo vao hiverina handoa haban-tsena sy hofan-tsena amin’ny kaominina izy ireo. Ankoatra ity esplanade etsy Analakely ity moa dia efa miroso ihany koa ny asa fanamboarana ireo tsena vaovao eny Anosibe, ao anatin’ny Boriborintany fahefatra. Mbola eo an-dalam-piketrehana ny ao ambadiky ny tsenan’Ankatso kosa ny kaominina ankehitriny hahafahana manome toerana ara-dalàna ny mpivarotra rehetra.

Pati