Toekarena

Orinasa Telma Nahatsangana tranombarotra miisa 68

Toekarena
Zoma 28 Desambra 2018

Namoaka ny tomban’ezaka vitany tao anatin’izao taona 2018 izao omaly ny avy eo anivon’ny orinasam-pifandraisana Telma. Isan’ny zava-dehibe tontosa tamin’ity taona ity, raha ny fanazavana, ny fitsanganana tranombarotra na Shop Telma miisa 68 manerana an’i Madagasikara.

Ny Shop eny Antanimena sy Ambohipo moa no faha 25 sy 26 tafatsangana farany teto Antananarivo. Ny Shop Akasya izay miorina amin’iny lalana makany amin’ny seranam-piaramanidin’i Mahajanga iny kosa no faha 5 amin’ireo naorina tany amin’ity renivohi-paritany ity. Ny fitsanganan’ireny tranombarotra Telma ireny, hoy ny tomponandraikitra no nanavao hatrany ny fampifandraisana ireo mpanjifan’ity tambazotran-tserasera iray ity. Na teo amin’ny tolotra eo amin’ny antso izany na tambazotra aterineto. Ny internet 4G très haut débit sy ny tolotra M vola koa ao anatin’izany. Mitohy hatrany, hoy ny mpikarakara, ny fanomezana fahafaham-po ny mpanjifa amin’ny alalan’ny fihenam-bidy hatrany amin’ny 35% atolony amin’ny lafiny rehetra. Isan’izany ny Smartphone sy ny best sellers F1+4G amin’ny vidiny 139.000 ariary ary ny Telma legend amin’ny vidiny 19.000 ariary.

J. Mirija