Toekarena

Orinasa Socolait Miezaka manome lanja ny vokatra tena Malagasy

Toekarena
Alarobia 21 Novambra 2018

Miezaka manome lanja hatrany ny vokatra tena malagasy ny orinasa Socolait. Tsy manafatra akora avy any ivelany intsony izy ireo ankehitriny fa miaina amin’ireo ronono vokariny eto an-toerana toy ny ao Antsirabe.

Ny hahafahana miaro ny fahasalaman’ireo mpanjifa no antony, hoy Atoa Andriamarolahy Mickael sady hanampiana ireo tantsaha mpamokatra ihany koa. Anisan’ny mandray anjara mavitrika amin’ilay vitrine de l’industrie tanterahina etsy amin’ny parvis hotel Analakely izy ireo nanomboka omaly. Tanjon’ny orinasa ny mampahafantatra hatrany ireo karazam-bokatra misy ao aminy izay marihina fa tsy mitsaha-mitombo ankehitriny. Anisan’ny vaovao be ohatra ny yao frizz izay azon’ny ankizy madinika hatao ody vavony tsara…Tranoheva manodidina ny 60 isa no mandray anjara amin’ity vitrine de l’industrie etsy Analakely ity izay nomarihin’ny minisitra Guy Rivo Randrianarisoa fa natao fanampiana sy hanosehana ireo mpandraharaha eto amintsika hitrandraka sy hanome lanja ny tena Malagasy ho tombontsoan’izy ireo. Malagasy daholo ny 99 %-n’ireo mampihodina ny orinasa Socolait

Pati